Azariya eta arkakusoak

Artola, Ramon

 Azariya jachirik

 zerbait jankai billa,

 ur eskiñan topatu

 zuben ardi illa;

 eta au arkakusoz

 egonik josiya,

 oartzerako bera

 bete zan guziya:

 bada zoramenean

 zan denboran asi,

 ezin egiñik pisti

 charrai igasi,

 esan zien, onean,

 erregu moduban:

 obe zutela sarri

 arengandikan joan,

 bestela ziradela

 ibilliko gaizki,

 etzala an naizana

 egitea aski;

 ark otso batengana

 bear zubela joan,

 eta gertatzen bazan

 kilimakoka, an,

 gai zala bizirikan

 larruba kentzeko,

 eta arkakuso ta

 guzi erretzeko:

 bañan pisti char aiek

 emanik parrari,

 burlaz esan zioten

 azari zarrari;

 aren esan guziyak

 jolasak zirala,

 eta arengandikan

 joango etzirala:

 orduban jarririkan

 berriro pentsatzen,

 ezin somaturik zer-

 egin ernegatzen,

 bere ichumenean

 joanikan putzura,

 isetsarekin asi

 zan ikutzen ura:

 eta gero bustirik

 atzeki guziya,

 gerrirañon zanean

 sartu urtan iya,

 arkakusoak alde

 ikusteaz ura,

 igasi denak igo

 zitzaizkan burura;

 bañan gero buruba

 sarturikan bertan,

 ito zituben pisti

 char guziyak urtan.

 ...................

 Onek erakusten du

 ez baitala ona,

 geiegi tentatzea

 aserre dagona,

 bada miñ dubenari

 eman ezkerotz miñ,

 ark gero zer nai gauza

 lezakela egiñ.