Arzai mutilla eta okillak

Artola, Ramon

 Egun batian zuben

 somatu mutillak

 zein arboletan zeukan

 kabiya okillak;

 eta jakiñik ere

 ume biziyak an

 zeuzkala, nai zukenak

 egan kanpora joan;

 asi zan artu naian

 eskuba zuloan

 sartutzen, bañan nola

 kabiya tronkoan

 zeguen, ta eziñikan

 berak nairik egin,

 iltzen asi zan ume

 aiek ziriyakin;

 bañan nonbait portunak

 nai izanik ala,

 urrikalgabeko lan

 artan ari zala;

 kolpez izugarrizko

 euriyak asirik,

 itzul joan zan mutilla

 botarikan zirik.

 Ordukoz zirika bi

 ume il zituben,

 baña nola okillak

 iru baltzituben;

 bizi zanak zanean

 indarretan sartu,

 ziyona mutillari

 len irriya artu;

 gau batez egin zion

 bere bordan tranpa,

 mokoz puskatu zion

 leioaren tranka,

 eta utzirik leio

 ura zabalikan,

 otsoak sartu ziran

 gau artan andikan:

 eta urrikal izan

 etzanaren ardik,

 gau artan paltatubak

 izan ziran erdik.

 .................

 Kotarubari gaitzik

 ez egin aldala,

 pensatu bera ere

 kotaru bat dala;

 uste eztuben miñik

 ezpada nai bildu,

 beti bear du berak

 onradu ibildu.