Armiarma eta enara (Ipuia)

Artola, Ramon

 Euli bat zeramala

 preso armiarmak,

 enarak esan zion:

 -aizak, ¿zer daramak?-

 zeñek eranzun zion,

 izuturik oso:

 -euli bat, or detana

 arrapatu preso.

 Len ere beste ogeik

 naute gaur burlatu,

 eta arrapatuta

 preso ditut sartu;

 bada uzten banazu

 gaur neri biziya,

 zuretzat izango da

 nere eiz guziya.

 Orain bertan dizkitzut

 denak ekarriko,

 eta otordu goso

 bat ditut jarriko.

 Enarak sinisturik

 ark esan ziona,

 eta pensaturikan

 zala tratu ona,

 armiarma zarrari

 utzi zion joaten,

 bera gelditurikan

 euli ura jaten,

 ¿eta armiarmarik

 berriz jira altzan?

 ez; enara alperrik

 aren zai egon zan.

 ..................

 Esan oi dan bezela

 chori bar eskuban,

 obea da eta ez

 amar inguruban;

 egin naia dutenak

 gauza denen jabe,

 askotan gelditu oi

 dira ezer gabe.