|
Argi-bideak. Zer egin beardu gizonak ezkondu edo gelditu ezkongai?
Artola, Ramon
Ezkontzea da gauza
charra eta ona,
bizi-bide sekreto
aundiyan dagona;
gaizki jarri liteke
ala ez dagona,
Iru eta ere ongi
len gaizki egona.
Nere konsejuz iņor
bear baldin bada,
aur-egi ezkontzen
erokeri bat da;
jolas denbora libre
pasatu albada,
penatzeko denbora
gero ere bada.
Lenengo biyotz biz-bat
egiņik elizan,
ezkon berriyak gaizki
ez litezke izan;
baņan dichak jirarik
aizearen gizan,
gero dira kontubak
munduko bizitzan.
Abiyatzen danean
aur chikiyan festa,
echean infernuba
billatzen errez da;
gabaz lo gaizki egin,
egunaz orkesta
lengo bizimodurik
arkitutzen ezta.
Aur bat tronpeta jotzen
negarrez beztea,
zarragoa saltoka,
chiliyoz gaztea;
onela joaten dira
jaiya ta astea,
jolazteko senarra
eta emaztea.
Oiek mantentzen eta
gaņera jantzitzen
gurasoak eztute
guchi padezitzen
jaio eta dituzten
artean azitzen
pena ta nekepean
dirade bizitzen.
Ala ere eztira
palta gurasoak,
alkar maitatzen duten
amoriosoak;
ez izan arren dicha
guziyak osoak,
pasatzen dituztenak
era-aldi gozoak.
Eman zaiogun orain.
begiyari jira,
ezkongai daudenari
jartzeko begira;
sasoyak pasatubak
ezpaldin badira,
lasai bizi dirala
ikusiko dira.
Ezkongaiya librean
arkitzen da oso,
ez dauka ezkondubak
ainbat estreposo;
familiyaren kargik
eztu bear jaso,
bakarra da, ta bizi
liteke eroso.
Baņan gaztetan bizi
nai dubenak lasa,
zartzean dauka beste
moduzko jolasa;
bakar gelditurikan
ez danean gauza;
bizimodu triste ta
charbat oi da pasa.
Indarrak ezkaztuta
danian debiltzen,
gauza sobratu baten
gauza da ibiltzen;
tristurak bear baņa
lenago du illtzen,
eta nork negar egin
etzaiyo gelditzen.
Mundu au negarrezko
zelai bat izanik,
ezta bizi modurik
penarik eztanik;
alaz guziaz jira
begiai emanik,
ezkondubak obeki
arkitzen ditut nik.
Orra geren aurrean
naiko ikuskera,
argi biderik gabe
arkitzen ezkera;
orain iņork badauka
ezkontzeco era,
zer egin berak bere
kontubak atera.
|
