¡Pazientziya!
Artola, Jose
Pioi gisarajo bat
ari zan lanian
lantegi char batean
egiñal danian;
esanaz:-Deskantsuak
gaitu gu piskortzen
ta otorduak penak
dizkigu aztutzen;
bada nola eguardiya
dan laister izer poza,
entzuten detanian
alabaren boza;
diyola: "Aita ara
emen bazkariya
epel epela eta
gañera erariya."-
Bañan alabarikan
ez baitzan ageri,
ta otordu denbora
joaten aizan ari;
pazientziyan zeguen
ta zuben esaten,
-¡gaur gure neska zeñen
berandu datorren!
¿zer ote da gertatzen?
ez nago ni lasa,
¿bidean ote zayo
zerbait gauza pasa?-
Ontan alaba zayo
aurrera azaltzen,
mantalen ertzarekin
malkoak legortzen;
eta diyo negarrez
ark aita onari
-Bazkariya sestotik
zait orche erori
eta autsiyak ditut
botill ta basua,
ta bazkariya dakarr
zikiña jasua.-
Erriyeta alabari
eman bearrian
artzen du aur gasua
bere magalian,
eta diyo:-Au ez ta
ezer, isill zaite,
badakizu aitachok
zaitubela maite;
charrago izango zan
gaur zuk miñ artzia,
obe da ni jan gabe
orain gelditzia;
zuaz, zuaz echera
aldan laisterrena
au izan dediyela
gaizik okerrena.-
Itz abek esanik juan
zan neska echera,
ta bera deus jan gabe
ostera lanera.
|