Konzeziyoko Amari

Artola, Jose

 Argiyen printzak diran bezela

 kristaletikan pasatzen,

 zeñetan ez dan arrastorikan

 ezerenikan gertatzen,

 ala berian zera Birjiña

 mancharik gabe azaltzen,

 zeñetan zeran argi guztiyen

 gabian beti alchatzen.

 Sube zatarra ibildu zana

 ingurutikan zulatzen,

 jakin zenuben beti betiko

 Zure oñ-azpiratutzen;

 bere pozoyak Zu ikutzeko

 milla sayo egin zuben

 baña alare arren indarrak

 ezer baliyo etzuben.

 Zure argiyak Luzifer bera

 zuben ezkutaratutzen,

 asten zanian gaitz egin nayan

 Zu-gana alderatutzen.

 .....................

 Zeruko Ama, printzaz betia

 zeradena gaur agertzen,

 Zureganuntza gera guztiyak

 pozez betiak gaur biltzen;

 pekatariyak gera, baña, Zu,

 gutaz zerade kupitzen;

 ala gaur egin genezaguken

 onak, ditugu eskeiñtzen,

 gure otoitzak Zureganuntza

 ditugu pozez bigaltzen,

 ala berian ¡Ama maitea!

 dizugu oraiñ eskatzen,

 ez gaitzazula sekulan utzi

 Zuregandikan aldentzen,

 bildoch mantsuak uste gabian

 diran bezela galdutzen,

 modu ortara Fedian beti

 ea ore-geran bizitzen,

 gero Zeruan toki on baten

 jabiak izan gaitezen.

 Amen.