Katua eta ollarra

Artola, Jose

 Katu bat izatentzan

 baserri batian,

 beste asko bezela

 zeguan sukaldian.

 Ollar bat berarekiñ

 anchen bai-zan bizi,

 zeñak egin nai zuben

 bertako nagusi;

 katuari oi ziyon

 askotan eraso,

 moko zorrotzarekiñ

 biziro garboso;

 baña izanik oso

 ona katu zarra,

 etziyon beiñ-ere nai

 sartu atzaparra.

 Beiñ diyo katu zarrak,

 esan ollarrari:

 "ez naukela berotu

 odolikan neri",

 badakik gaztegoa

 ni bañan aizela,

 eta zarragokoa

 obeditzen dala."

 Etzuben aditu nai

 zarren arrazoia,

 baizik berriz nai ziyon

 egin charkeria,

 bada beroturikan

 egun batez zarra,

 zintzurretik eatsi

 ziyon atzaparra;

 bestia barkaziyo

 eskatzen zan asi,

 bañan zarrak ill-arte

 ez baitziyon utzi.

 ..................

 Onek erakusten du

 gazte arruari,

 beti obeditzeko

 zarragokoari;

 zergatikan denbora

 etortzen dan sarri,

 kastigatzeko gaizki

 dabillen danari...