Andre Mariaren seaska-eresia
Lo, lo, seme, ari zayo
Ama Jesus Aurrari
Lo, enetxo, diotsa aitak
Aur jayo-berriari.
Milla bider goresten zaitugu
Milla ta milla bider.
Oatzea apaindu dizut,
Lo, lo ene txukuna,
Lasto biguņez guritu,
Lo, lo, ene kuttuna.
Lo, ene edergarri ori,
Lo, esne-goxokia,
Lo, amak emango dizu.
Aberaska eztia.
Lo, enetxo eztitsua,
Lo, azukrez betea,
Ene biziaren bizi,
Birjiņaren semea.
Nai dezuna emain dizut,
Lo, ene kuttunena,
Lo, lo, ama maite onen
Atsegin-gozamena.
Lo, ene biotz ta arima,
Lo amaren pozkarri,
Zerutiko soņu gozo
Belarri-asegarri.
Lo, seme; eresi xamur bat
Egingo dizu amak;
Lo, aula; lelo ezti bat
Egingo dizu aitak.
Lastoa iraurriko dizut
Arrosa ta biolez,
Beitia jazinto lorez,
Aska lili zuriez.
Soņurikan nai badezu
Artzayak ortxen datoz
Ezta ayek bezelakorik
Ederki kantatzeko.
Milla bider goresten zaitugu
Milla ta milla bider.
|