Len burni borda, orain burni ola
Bordari
Mallu kider ainbat mallu
Sutegiko edergallu
Or-men lurrian...
Ingure bi; ainbat sutoi
Gorrikak, erauzkiak, erdoi...
Su aroztegian...
Aizkora pilla, auak zorrotz
Beste mordo oraño kamots
Ei aldamenian...
Gezi ta ezpata, aztantakil
Mutur me, dizdira zurbil
Ikullu illunean
(Iratze azpian).
................
Burni ola lo gauean
Arotza esna oiean...
....................
Zakurra zaunkari
Zerbait du nabari...
-Mutil-mutil jaiki adi
Atoan zein de beari.
-Nagusia "Basurde" da
Gezi billa etorri da.
.....................
Su-gorri, burnia gori...
¡Jo mallugaz! eman kanka
tinki, tanka, tinki, tanka...
Aspuak aize eroso
Digun, ¡mutil, mugi anka,
tinki, tanka, tinki, tanka!
-Zorroztu ondo geziak
Aztamakil ta ezpatak
Arerioak iltzeko
Mendi banaka, banaka.
.....................
Burni ola egunean
Diardu lan da lanean
tinki, tanka, tinki, tanka.
Eneko zurgilleak
Onatx aizkora kirtenak
Pagozkoak dire denak
Urritza aztmakillentzat
Espelekok ezpatentzat
-Bigar geiago ekarri
Bearko dira ta sarri.
.....................
Gudariak abaroan
Atseden aldi naroan
...................
Burni ola tinki-tanka
Malluak digute mauka
Burni goriak txinpartak
Izerdia arotz apartak
Tinki, tanka, tink¡, tanka!
...........................
Peru burnigilleak
-Onatx galtzairu onena
Geziak eiteko dena
Burnia ere ausarki.
-Geiago ekar azkarki
Berako degu ta noski.
Loretxo maitasun miñez
Erle ikusi eziñez.
¡Guda gogor ta zitala!
Biur nazak nere itzala
Erle gizon gai yaukala.
.......................
