Ene ainara gaxua
Bordari
Beroak eraginda
Griñak bizitua,
Ainara zaitut ikus
Goixko egatua
Norat zoaz urruti
Ola xoratua?
Ba, dakizu, ba, gaixo...
"Zikoitz da negua".
Oi, ainara gaxua!
Deun Josepe egunean
Dit oitura artua
Ondarribi'n artzeko
Udako lekua.
Bertako ostiral batek
Ostiral Santua,
Gorrixten dit, gorritu
Okotzpe ingurua.
Oi, Kristo da gaxua!
Etxeko tellapean
Ziñan laketua,
Kabia're zendula
ta osatua,
Arratsaldeko irutan,
Ituna kantua,
Gizonak ez ulertzen
Eriotz mezua.
Oi, ainara gaxua !
Biotz gabeko gauak
Gaitzo'ren ziztua
Bazter oro utzi du
Dana ormatua
Otzikaraz dardarka
Ainara gaxua
Il ote da txoria?
Ez, da lo'k artua.
Iru eguneko, Kristo!
Jes!, otza, izotz-otza
Dugu pekatua,
Iru eguneko indar
Madarikatua,
Anima gaxoa du
Lur pean sartua.
Baiña laister daukagu
Berez... berpiztu
Oi, ainara gaxua!
Gure maitasun garrak
Ainara izoztua
Kolko biotz ondoan
Dauka berotua.
Lo zegon txoriñoa
Orra esnatua,
Jesus bezela piztu
Da enaratxua.
Oi, nolako kantua!
|