Gizona ta astoa

Arrugain

 Gizon astoarekin itundu ei zan

 Egun batean,

 Bakoitzak besteari erakus naiez

 Barba legean.

 Astoa ekin t'ekin aritu arren

 Aldi luzean,

 Tautik ikasi gabe sartu omen zan

 Bere ukuluan.

 Gizonak, berriz, arin ikasi zuan

 Asto-arrantza,

 Onekin arturikan, igarri barik,

 Abere antza.

 ONDORENA

 Kirten batekin autuz ekin ezkero

 Sarri askotan,

 Gizonik argienak artu daroe

 Kirten abotsa.