Errekatxo Gaizoa

Arrugain

 -Nora xoaz horren arin,

 errekatxo bizkorra?

 -Nora xoaz, ur kaxkarin,

 trokartetik sakostarte

 zarraparra zoroan?

 -Xure sorgu maitagarri

 gibelean utzita,

 zein da xure poz egarri,

 txurruaka etortzeko

 goi aldetik zelaira?

 -Gera xaite, urriñean

 dantzut, itxas orroa;

 haren sabel illunean

 galdu xeinke bein batiko,

 xure izate osoa.

 Aholkua entzun arren,

 errekatxo an doa;

 aldatz, muna, zelai barren;

 alai, azkar, poz ta parrez,

 eriotzan ondoan...

 Azkenean, galtzen zaiku

 itxas zabal kolkoan.

 ONDORENA

 Gazteria horla dabil,

 errekatxon antzean;

 atsegiña dasta naiez,

 griña txarrak bultz egiñaz,

 ondamendi betean.