Arrozpide

 Ogei ta amabostekin

 beatzireunda milla,

 Kristo mundura etorri zala

 urte oyek dira.

 Lenengo egunaz berriz

 agorreko illa,

 jaki gozoz janayez

 opill biribilla,

 aiton illobak joan giñan

 perretxiku billa.

 Ernani'tik irtenda

 Leitza lar mendira

 gure antzera geigore

 joaten oi dira,

 iritxi giñadenian

 aritz soñatu aundira,

 bere gañian janda eranda

 gero piñudira,

 lau basazai kañak artzen

 ai ziran tokira.

 Berak kafiak artzen

 mandua janian,

 ogi puskak zitula

 aukera aundian

 irrintzi eta arrantz

 danak umorian,

 suertiak emanik

 ala bearrian

 gu ere ez giñan iritxi

 aiñ leku txarrian.

 Ai ura laukotia

 prestu eta leyal,

 guri ere emantziguten

 kafe, puru, patar.

 Ura zan erariyan

 gartsu ta ederra

 ateraziten zuen

 begitik txingarra,

 zorrinuan piska ainbat

 baitzuen indarra.

 Laukotiori zeintzan

 ona nai dunak jakiñ:

 Andoain'go Mendikte

 buruzai beste oikiñ,

 Zarauz'ko Gorrotxategi,

 Asurmendi, Berastei,

 laugarrena Olaran

 Joseba Ernani

 gu ere aiton illobak

 joanak giñan ortik.

 Azurmendik eramantzun

 mandoz zer jan da edan,

 kafe, puru ta patar

 danetik aukera zan.

 Ura zan ibiltzia

 nai genduben eran

 zugaiztiyark zirudin

 bulebar tankeran,

 uso zuriyak ere

 baitzebiltzan egan.

 Gero jarri giñaden

 begira piñuidi,

 esanaz orlakorik

 iñun ez dagiri.

 Zerbait emango nuke

 baleo nork neurri,

 beriala eldu zioten

 bota nun itzari,

 aurki ziran baten puntan

 Zarauz ta Ernani.

 Eskui txistu emanda

 intzuten sarrera,

 beriala igo ziran

 goiko muturrera,

 zintaz neurtu zuten

 jetxiala bera

 ogeita amabost metro

 zan gutxi gora bera

 aundiyaguak ere

 saill artan badira.

  (Jarraitzeko)