Maria guztiz santeari bere sorrera garbiko egunean

Arrese ta Beitia, Felipe

 ¿Largau al-dozu zeure bidia

 Izar-erria?

 ¿Mutu biurtu zeure orrua

 Zuk ichasua?

 Urakan ezaiñ zantarrak,

 ¿Nun dozuez egotzarrak?

 ¿Nun chistuzko deadarrak?

 Nik belarrian ¿zer dantzut bada

 Soñua ezpada?

 Baña soñu bat, berarizkua,

 Aiñ eztizkua,

 Zeñek naukan zoratua,

 Nok dirudian,

 Ene erechian,

 Zerutik jatsitakua,

 Ez beiñik bein lurrekua,

 Aiñ gichi gizonezkua.

 A... Dabid, Dabid da parebako

 Soñu alako

 On jotzallea.

 Bere lirea

 Da entzuten dodana nik,

 Emen ez dago dudarik,

 Ez dodalako besterik

 Gaur dago entzun oberik.

 ¡O kantalari gorenengua!

 Zu Jaungoikua

 Alabadua

 Zara ainbeste salmugaz,

 Itz ederrezko kantugaz,

 ¡O zenbat arpa soñugaz

 Ni gaur poztuten naz zugaz!

 Egun onetan gauza guztiak

 Alegeratu,

 Aren salmonk gaur, gaur mendiak,

 Gaur barriztatu,

 Jaso bai, jaso, zankoak

 Eginaz gora saltoak,

 Arrituak

 Ta zurtuak

 Geldituak

 Jarri zaiteze zeruak

 Entzunik beeko-kontuak.

 Begira zelan gaur poztu daben

 Sortu danaren

 Sorrera garbiak lurra,

 Eta dan oso ziurra

 Izango dala

 Jaunaren Ama

 Ta dan Alaba

 Ta esposa-gei laztana,

 Bere Tenplutzat ain diña

 Berak dalako egiña.

 Erdue beera, beera bai beera,

 Gure aldera

 Onuntz lurrera,

 Erdue bai aingeruak,

 Ichita goyan zeruak,

 Joagaz goiko soñuak

 Makurtutera buruak

 Apal jarririk eguak.

 Anak dakarren ume sortua

 Loi bagakua,

 Mirarizkua,

 Da chit autua,

 Chit esleidua,

 Eba baño askoz obea,

 Erru guztitik librea,

 Danoen Erregiñea,

 Goi eta beeko Andrea.

 Zaindu zuek su bear dozue

 Alabaizue,

 Zergaitik bere sorrera

 Dan uts uts utsik ederra,

 Zergaitik bere sorrera,

 Edo bere asiera,

 Dan uts uts utsik ederra,

 Azpiraturik okerra,

 Cherren zital ta mukerra,

 Maite dabena ezkerra,

 Engañetan ez alperra.

 Baña alperrik suge gaiztua,

 Amorratua,

 Eingo-k orrua,

 Ire burua,

 Zana arrua,

 Daukak lertua,

 Joan dok ire aldia,

 Sortu dok seiñ bat andia,

 Goiseko izar argia.

 ¿Nun al-eikea

 Suge dongea?

 Justiziako Eguzkiaren,

 Ama danaren,

 Argitasuna illundu,

 Edertasuna ezaindu,

 Edurtasuna orbandu,

 Eta pekatuz zikindu,

 Eginik gugaz bardindu?

 Ori, ori dok, ori guretzat,

 Mundukoentzat,

 Egun-sentia,

 Ire illunpeen etsai andia,

 Ire sareen triskalaria,

 Ire ekachen garailaria,

 Jaungoikozko illargia,

 Eguzkia duiñ argia,

 Eta bere bekokia,

 Ain garbia,

 Tristeen poztugarria.

 Larritu ari,

 Sierpetzarra,

 Or lotsaz jarri,

 Dragoi zantarra,

 Alper ulu,

 Bardin oyu,

 Zeinda chistu,

 Naiz estutu,

 Ta biurtu,

 Ta amorratu,

 Edo okertu,

 Kiribildu,

 Ta kizkurtu,

 Eta sutu,

 Alperrik eingo az nekatu,

 Mariak au gaur apurtu,

 I beeratu,

 Au goratu,

 Egingo juat aurrera,

 Kantaurik bere sorrera,

 Dala bakarrik ederra,

 Eta bere etorrera,

 Zorionduna lurrera.