Maria chito santeari bere jayotzako egunean

Arrese ta Beitia, Felipe

 Eiten bayako mundura jayo

 Oi dan danari,

 Bere jayotzan poztasunezko

 Igarria,

 Esker ta doez aberatsago

 Datorrenari,

 Berez zor jako dagokan mallan

 Jayaldia;

 Jayo ezkero parebaga bat

 Orain lurrean,

 Jayo ezkero emakumeetan

 Esleidua,

 Jayotz onegaz danok guztiok

 Poztu gaitean,

 Eldu dalako gura zan egun

 Doatsua.

 ¿Ze mirari da luma guztia

 Zoratutea,

 Alako egun-senti eder au

 Jayotean?

 ¿Ze mirari da Zerua pozez

 Gañeztutea,

 Jese-n Landara argidotar au

 Ikustean?

 Errazoiagaz alegeratu

 Zara Zerua.

 Egilleari, kantaurik kanta

 Aiñ ederrak,

 Lora danakaz agertu zaite

 Lurra apaindua,

 Eguzki onek merezi ditu

 Danen cherak.

 Jatsi, gaur jatsi zaite egodun

 Goiko taldea,

 Baratz usaintsu atsegiñetan

 Bizi arren,

 Jatsi, bai jatsi galantago dan

 Kriaturea,

 Ikusitera zelan jayo dan

 Nazareten;

 Noren begiak diran argiak,

 Baña aiñ argiak,

 Noren matrallak larrosak baño

 Larrosauak,

 Eguzkiaren ondoan nolan

 Izar chikiak,

 Noren aldean diran zurbillak

 Aingeruak.

 Isildu bitez, isildu, isildu

 Andra andiak,

 Rakel-Rebekak, Debora-Esterrak

 Ta Susanak,

 Isildu bitez, isildu isildu

 Dauak guztiak,

 Sara-Abigaillak, Jael-Juditak:

 Baita Anak:

 Zerren dienak diran beerago

 Onen aldean,

 Zergaitik orreen ondoan au dan

 Nagusia,

 Palma ederraz zelan bat egiñ

 Ezin leitean,

 Mirtoa deitu egiten jakon

 Landarea.

 Isillik gorde beiz Eguzkiak

 Ule gorriak,

 Onek daukazun urrez egiñak

 Ikustian,

 Alperrik euki arek aiñ eder

 Miragarriak,

 Onek Illargi legez biurtu

 Ez dagian:

 Isi izarren argitasuna

 Egun onetan,

 Izarren izar diran degien

 Aur-aldean,

 Isi bekoki goi-zale onen

 Aldamenean,

 Larrosaturik jagiten dana

 Sortaldean.

 Isi matralla oneen ondoan

 Lora dan danak,

 Lirio zuri larrosa mardo

 Ta zabalak,

 Isi zidarra, rubi, jazinto

 Perla ta granak,

 Isi nakarrak, baita isilldu

 Gaur koralak;

 Ao aiñ polit orren ateak

 Idigitean,

 Ta bular orrek bialtzen daben

 Arnasian,

 Isilldu bedi gauz onik ezer

 Bada Pankayan

 Bardin ederrik aurkitzen bada.

 Arabian.

 Esku ta bular orreen ondoan

 Leyar garbiak.

 Alabastro zeiñ edurrak dira

 Aiñ motelak,

 Bata Jaunaren echea bada

 Dira bestiak,

 Zeruak, berak gloria andi bat

 Zor deutsenak:

 Bata Jaunari bere gogon

 Da poztuteko,

 Besteak dira bere grazien

 Zabaltzallak,

 Bata ispillu Jauna berbera

 Begiratzeko,

 Amodiozko flechen besteak

 Tiratzallak.

 Bere agiñak dira aiñ zuri

 Baita aiñ zuriak,

 Marfillik ez da bardinduteko

 Gaur eurakaz,

 Bere okotza biribildu dan

 Arte guztiak,

 Poto chiki bat erdi erdian

 Egiñagaz

 Beso, sama, oin, zankoak daukaz

 Ondo atereak,

 Alperrik daukaz Zeruak pillar

 Diribillak,

 Baña ume onek lurrean daukaz

 Askoz obeak,

 Bardingarritzatez diralako

 Areek diñak.

 Gorputz guztiko zatiak ditu

 Utsik bagiak,

 Dana guztia ondo egiña

 Dan agiri,

 Ezagun dago beren berarez

 Au Egilleak,

 Egiñ dabela gorputz tu animan

 Miragarri;

 Bere sorrera zan legez garbi

 Eta santua,

 Jayotz au bere alanche bear

 Zan gertatu,

 Bata loi baga eta beste au

 Onen dontsua,

 Izan zeitezan Jaunak zituzan

 Aukeratu.

 Ongi etorri umecho eder

 Ain Zerutarra.

 Zeruko leyo eta bertako

 Eskallera,

 Paradisuko atea eta

 Izar goistarra.

 Zatozalako Egun ederra

 Ekartera;

 Ongi etorri Jese-n Landara

 Jayo barria,

 Zure jayotza zabaldu begi

 Gaur Fameak,

 Zerren larririk aurkietan zan

 Gizon tristea,

 Zerren katibu legez ekarren

 Illunpeak.