Jesukristo gure jaunaren zeruratzea. Amalauduna

Arrese ta Beitia, Felipe

 Gau ostean oi dau, igoaz gorago,

 Febok gorrituten egun aurrea;

 Baña, beste batek larrosatuago,

 Gaur zoragarritu dau goi aldea;

 Garaitzalla legez ¡o bai, o! zelango,

 Marcha jo deutsen aiñ alegerea;

 Musika obea emengoa baño

 Zalako, eroan deust arimea.

 Zeru-atarian: ateok zabaldu,

 Deitu dabenean gordetzalleak;

 -Nor da? barrukoak egiñik itandu,

 -Errege, eranzun deutse bestiak;

 Buruak bertatik danak desestaldu,

 Eta idigi deutsez ate guztiak.