Euskal-Erriko izar zireanai

Arrese ta Beitia, Felipe

 Illaz, illaz doaz euskaldun izarrak,

 Errañuak jakez askoi amaitu,

 Enabe berotzen euren lengo garrak,

 Zerren amataurik direan gautu.

 ¿Nun dira Truebak? ¿nun dira Aranak?

 ¿Nun Billabasoak? ¿nun Klaudio zu?

 ¿Nun dauz seme on ok gaur Ama Euskarak...

 Eriotzak baldin badeutsaz ostu?

 ¡O! ze ezbearra! ez dabe geyago,

 Euskaldun argirik eingo munduan;

 Baña nik uste dot askoz argiago

 Egingo dabela goyan zeruan,

 Kantaurik Gayarrek, nik baño leunago

 Euren ondrak gure berba gozuan.