Ekacharen ondoko geraaldia
Arrese ta Beitia, Felipe
Ekachak oso alde egin eban:
Dantzudaz chori kantuak,
Bidera atzera etorri eta
Klokadak daukaz olluak.
An sartaldean urdinduten da
Garbi jarririk zerua,
Mendi gañean bere agertu
Baserri illunpetua;
Ibar erditik garbiro doa
Arekan errekachua.
Surrumurrua abietan da,
Poztuten oso biotza,
Eguneroko zeregiñetan
Asten da laster bakocha.
Zeru ezoa ikusitean
Agertuten da atera
Beargillea kanta soñuan
Bere lanagaz astera;
Eta andrachoak urte nai leuke
Euri ur barria artzera.
Echalde eta goyetan barrez
Eguzkia da azaltzen,
Eta echekoak galeria ta
Leyoak dabez zabaltzen,
Entzuten dabez bide urriñeko
Kaskabel ots ta zaratak,
Baita ibilten abiau diran
Burdi irrintza garratzak.
Atseginduten biotz dana da,
¿Noz da aiñ gozo bizia?
¿Noz dau gizonak ikasiteko
Orren egarri andia?
Lan zarraz, zeinda barria asteko
¿Noz dau obea gogua?
¿Noz gichiago gomutetan, da
Bere gachagaz burua?
Atsegiña, ume naiestuaren,
Poz zoroa, da izuaren,
Onek ikaraz oso jarrita
Bildur zan bai illtearen.
Nok gorrotetan eban bizia
Larri ikaraz miñetan,
Mil, izerdiz, otz ta desmayoz
Jentea zan aurkietan.
Geure iraiñak zerren odeyak,
Chimista ta urakanak,
Ikusiteak irabiatu
Zituela egin dandanak.