Belengo estalpe batean aurkietan dan bateri, gaba igaro bearrean. (Amalauduna)

Arrese ta Beitia, Felipe

 ¿Nun, zelan eta nor, negu biotzean,

 Eta zertarako ain toki charrean,

 Zakust, Amarik men ta samurrena,

 ¡O! zu Erregiña aingeruena?

 ¿Zelan sartu zara korta aiñ zarrean,

 Ais-edur, izotzak gaur lako gabean,

 Egite badabe gura dabena,

 Leiturik odolik dan beroena?

 Eta zu izanik mizkacho azia,

 Joakin ta Anaren Alaba guria,

 Otzak baña ¿zelan illten etzaitu?....

 ¡A! kontuan jausi naz, bularra Maria,

 Sugiñak deutsula laba biurtu,

 Nor jayo danean or dozun batu.