Baserriko jaun baten bizitza gozoa
Arrese eta Beitia, F.
Gogaitu ta asperturik erri aundietan
Nun egon izan nazan gazte urtietan
Bizitza gozorik an ezin billaturik
Baserri onetara nago biurturik.
Emen jayo nintzan ta baita bere azi
Zartzaroan atzera oraiñ naz etorri.
Egiaz urietan dagoz gauz aundiak
Zeintzuk niretzat ziran len zoragarriak
Oraiñ obrak emen ditudaz ikusten
Pentsetan dodalako beste modu baten
Gaztea nintzanetik zartu nazanean
Izatean dagozan gauz oen gaiñean:
¿Zer nekutsazan nik an? gizonaren lanak
Emen ikusten dodaz Jaungoikoarenak
Orresek aztertuten zoro oi naz jarri
Diralako benetan danak arrigarri,
Berak bakar bakarrik bestek ezin leikez
Gauza miragarririk ez da egin berez.
Zelan ez dituezan nik lako begiak
Euren adimentuan gaur nekazariak;
Uriko gauzaz oneek dira arrituten
Emengoak ots legez jakez iragoten
Ta ara askotan doaz erdi zoratuak
Ikustera, eukirik baserrian obak.
¡O ene baserriko bakartadechoa!
Zu zaitut neure poz ta atsegiñ osoa,
Nire adimenaren eskola aundia,
Arimako onaren lek egokia;
¡Sentidu guztientzat ze gozagarriak
Eskinten deustazuzan nozik beiñ barriak!
Tint askok uste dabe ez dala neguan
Baserrian zer gozan uriko-onduan
Orduan dakustaz nik ereiñik aziak
Udan emon daiezan ale ugariak,
Edurra barriz bada zerutik jausiten
Derichat dagozala koipez gozotuten.
¡Nun da udabarrian ikusgei aiñ onik
Urietan nik emen dadozan lakorik!
Zelako lora polit usaintsu ederrak
Zoragarriak oso! baldin an gizonak
Jarten badauz begiak gogo ta zentzuna
Topauko dau ugari miraritasuna.
¿Zer dinot zer elduten danean udia?
Alde guztietara au da pozgarria,
Zenbat orripechotan fruta eztitsuak
Dakustaz gorde nairik lotsaz mordochuak,
Geriza ginda, bardin sagar ta musikak,
Makatz urtsu, mispira eta okaranak.
Laugarren tandarako da uda azkena,
Biotzak gozan daian au ez da charrena
Ikusirik batuten ale ugariak
Mundu guztiarentzat onetsigarriak,
Gaiñera ordaindurik nekazari lanak
Arrastaka izerdi botariko danak.
Gauza asko oraindik dodaz gozagarri
Landa zelai berdeak ibillteko toki
Itzal otzaroetan aise mee gozotan,
Ur bizi mueta asko iturrichoetan,
Elizatzat erbi asko, arraintzat sarbuak,
Gois iratzarri nadin chorien kantuak,
Eta gabetan, barriz illargi argitan
Begiak josten ditut zeru urdiñetan
Gomutaurik euretan Jaungoikoa dala
Guretzat aiñ ederrak egin zituzana:
Gogamen onek pozez danan zoraturik
Lo gozo eztitsuan jarten naz etzunik.
Beste bat bere badot emen gozamena
Urietako askok artuko leukena
Lotsa aundi bat dauste guztiak auzuan,
Kalean aintzakotzat iñok ez ninduan,
Jauna danak diñoste chapelak erantzi,
Ill arteraño emen gura neuke bizi.