Eguneroko egutegian
Arozamena, Migel
1
Eguneroko egutegian
irakurriz Arantzazu,
euskaldunaren argia eta
laguntza baizerade zu.
Aloņa-mendi gaiņ ortatikan
danok ikusten gaituzu,
goiz eta arrats zure izenez
egiten degu errezu,
eta eriotzako orduan
pixka bat lagun zaiguzu.
2
Beste munduan bizirik dago;
emen degu iduria,
euskaldunaren laguntzarako
gure Jainkoak jarria.
Baltzategi'ko artzaiangana
aspalditik etorria,
geroztik Arantzazu beti da
fedearen iturria
nola eztegu maite izango
ain Ama zoragarria
3
Arantzazu'ko eleiz ortara
joan izan naiz iņoizka,
eta geiotan joango nintzake
asti geiago baneuzka.
An Jauna artu, meza entzunik,
kendu inpernuan kezka;
biderik eztakiņik badago
asi ba nunai galdezka,
Amarengana beldur gabe jun,
besoak zabalik dauzka.
4
Jendea asko joanarengatik
Arantzazu'ra jai ta aste,
mutil gazteak eta neskatxak
beren egunak dituzte.
Pozez beterik Amarengana,
iņor ezta joaten triste;
ogei gizaldiz etzan joango
aurten joan dan ainbeste,
olako fedea dan erritan
pozikan bizi gindezke.
5
Oņate'raņo al dan bezela.
gero andik gora oņez,
Ama Birjiņari kantatuta
errosaioa esanez.
Sekula baņo geio aurten zan
ori nik jakin dedanez,
gero meza santua're entzun
Amari esker emanez,
pakean alde saiatu nairik
penitentziak egunez.
6
Mutillak eta neskatxak danak
illabeteren barruan,
Arantzazu'ra oņez joan dira
kristau jatorren moduan.
Euskalerria portatutzen da
fede sendo ta beruan,
belaunikatu ta otoiz egin
Ama Birjiņan onduan,
modu onetan lagunduko du
eriotzako orduan.
7
Kanpo-erritatik ere ba-ziran,
alaxe nago entzuna,
sermoilariak igande artan
kulpitutik esan zuna.
Ikusten danez kanpo oietan
eztago fede illuna,
etorri ziran Arantzazu'ra
galdurik gau ta eguna,
ara noraņo zabaldutzen dan
Amaren maitetasuna.
8
Prantzi aldetik ere ba-ziran,
Erriojatik bestiak,
Naparruatik bilduak ziran
aruntz al zuten guztiak.
Aientzat poza ta alaitasuna
Ama Birjiņa ikustiak,
nola edo ala zuzen ditzagun
mundu ontako nastiak,
gero fedia galdu eztedin
ortan saiatu, gaztiak!
9
Ezkongai dauden neska ta mutil
ezkonduk eta aurtxuak,
aunditutzean joango dira
Arantzazu'ra gaxuak.
Oaindik etxean artzen dituzte
ama maitian musuak,
baņa ikasten dituztenean
aurreko zarren pausuak
Arantzako Amak artuko ditu
zabaldurikan besuak.
10
Guk aurrekotik ikasi gendun
nolakoa zan fedia,
eta orretxengatik joaten da
Arantzazu'ra jendia.
Ba-dakizute, gaizki ibili
bear du fedegabia;
maitatzen bada bear bezela
Jaungoikoaren legia,
Ama Birjiņak idekiko du
zeruetako bidia.
11
Gaurko egunez asko gabiltza
mezetarako alperrez
gure animak bapo beteaz
pekatuz eta okerrez.
Guk beti bizi bear genduke
inpernuaren bildurrez,
eta birauak boteaz gabiltz
txit askotan, zoritxarrez,
amaika bider egongo ziņan
guregatikan negarrez!
12
Azken-bertsua, Ama maitea,
Arozamena'ren aotik,
zure laguntza izan det eta
pozikan nago gogotik.
Gaur bezelaxe lagun zaidazu
Arantzazu'ko gaņetik;
eriotzean deituko dizut
arkitzen naizen lekutik,
Birjin Amari errezatuaz
jun nai nuke nik mundutik.