Bizkai'ko mendietan

Arostegi, Luis

 Bizkai'ko mendietan jausi ziran

 anaien aurka euskaldun gazteak.

 Nok jakin zegaitik su-zoratze au.

 Atzamarrakaz barrua urratuta be,

 zelan orain damu naiko.

 Non ainbeste parkamen.

 Ez jaso aiotsik, menperatuok,

 ez negar-deadar, zuok.

 Iraun bakarrik, ixillean,

 iraun ta iraun.

 Ondamendia,

 biotz-astuna

 andiegia da-ta.

 Oi aundi, garailleok

 apaltasun zapalduan.

 Oi sustrai sendo

 negute itxaropen-ezean.

 Gure ixiltasunak ez zaitue naiko

 barru-goralduko.

 Baiña urtero gure mendietara

 udagoieneko bake-aintza jasten.

 Aintza ta aintza, bake ta bake

 gure lur gaiñera.

 Aintza triste-alai bat edo,

 bake triste-gozo bat edo.

 Bai, anaiok, gure mendietan

 bake naiko danontzat oindiño.

 Euskal biotzak otzan naiko,

 ixil iraun

 ta barriro asteko.