Ogibidea daukat arrantza
Aristo, Pablo
Ogibidea daukat arrantza,
sarri askotan hain da lan latza
nere tristurak itsas erdiko
haize honek daramatza, (bis)
irten aurretik guk bagenduen
haurtxoaren esperantza,
orain aldatu zait antza,
berri horrekin kendu didazu
bihotz erdiko arantza. (bis)
Etxetik urrun zeinen tristea,
baina heldu da hor albistea,
ez nuen uste une hauetan
hain ederki iristea, (bis)
gaur komeni da semea heldu
eta ederki haztea,
zorionak emaztea,
eman muxu bat ta aitan partez
eman zaiozu bestea. (bis).
Berri hoberik gaur ezin aipa,
gizon batentzat pozgarri baita,
nik zorionak zuri semetxo
eta emaztea baita, (baita)
langintza hontan etxetik urrun
baina ez neronek nahita,
biok zaituztet nik maita,
zu ikusi zai irriki biziz
hementxe daukazu aita. (bis)