Zeruko katuan aldakuntzak
Etxebarria, Toribio
Gure eskolako denboretan,
Zeruko katua umeki
esaten gentzan, geure izketan,
mitxeleta geixan geixari.
Arra, ordez zan, sortzen dana
illdako aragi, zakar eta
abarretan, Ama eulixana,
lotaldi uts bat beteta.
Ta Arra dan letz igoiņgarrixa,
Zeruko au dotoria;
soņian soņeku barrixa
ta oztadartik koloria.
Soņeku au, aldiz uletsua,
orolgi senduagaz eiņa,
baleu letz bildur Negua
alperrik Uda agorgiņa.
Et'aldiz narruzko leguna,
ostrua bezin berdia;
beste batzuetan pintaduna
lorei artuta pintxuria.
Bere bizi eta jan lekua
zelai, ortu edo baratza;
ta loratedi loratsua
eta zugazti aberatsa.
Eta beiņ badeiņian eldu
Jaunak aindutako neurrira,
asiko da, leku ezkutu
bat nun ete daben begira.
Eule an eiteko, eundu guran,
giranbere soiņ luzian,
estalki bat, nun otzki Udan
eta epel Negu otzian.
Ta oge epel gozuan, antxe
iraungo dan onek illetan
-urte bete bat bezelantxe-
lotan ames ederretan.
Ta bere korputz sorgiņian,
bitarte urte beteko gau a,
berez gertauko den, artian
mir'garrizko millagrua.
Ba zerenan antzera zana,
Faraon illa da biurtu,
soņa estu lotuta dana,
zaiņ zaiņ noiz berriz bistu.
Da esen : Uda barriko Arrate
inguruko diagarren zaiņ,
utzitzeko obia, izate
barri eder bat debela gaiņ.
Ta biztu janzita urriegaz,
egara euzki ederrian,
mozkorturik ardan gozuegaz
lorarik lora eranian.
Zeruetako mitxeleta alai,
lirixo arteko erregiņa
alde guztietara, nora nai,
nasaitasun t'atsegiņa.
Beste ardura barik munduan,
bat eiņ argitan maitetsuak
ta jolas batzun ostekuan,
zorion ospatu ezteguak.
