Primadera biotzean

Erdozaincy-Etchart

 1-

 Nik ikusi lehenik Primaderako iruzkia

 Nik agurtu mendi kasko gainetik azkorrian

 Iruzkiaren Primaderako lehen iñharra

 Berotu baininduen ene bihotzean.

 2-

 Nik behatu lehenik Primaderako xoritxoa

 Nik ertzun sasi-pe gordean

 Xoritxoaren Primaderako lehen kantua

 Eta nik errepikatu ene bihotzean.

 3-

 Nik lehertu lehenik Primaderako belhar berdea

 Nik hartu bordaldeko gune ordokian

 Belharraren Primaderako lehen pereka eztia

 Eta ni goxatu ene bihotzean.

 4-

 Nik hurrandu lehenik Primaderako loretxoa

 Nik bildu pentze haundi erdian

 Primaderako loretxoaren lehen irria

 Eta nik gorde ene bihotzean.

 5-

 Nik aditu lehenik Primaderako iturriñoa

 Nik hurrupatu ahurrean harizpe zolan

 Iturriñoaren Primaderako lehen ur xorta

 Eta haren gozoa nik senditu ene bihotzean.

 6-

 Nik piztu lehenik Primaderako sua

 Nik ikusi supazter xokoan

 Garraren Primaderako lehen dantza phikoa

 Lilluratu baininduen ene bihotzean.

 7-

 Nik etzan lehenik Primaderako ñiñia

 Nik begiratu ene soaz bere seaskan

 Ñiñaren Primaderako lehen loa

 Amodioz ugari bainintzan ene bihotzean.

 8-

 Nik aurkitu lehenik Primaderako gazte lerdena

 Nik ukan bide bihurgune batean

 Gaztearen Primaderako lehen soa

 Barna sartu baitzitzautan bihotzean.

 9-

 Nik elekatu lehenik Primaderako artzaina

 Nik hauteman oihartzunak zeraman

 Artzainaren Primaderako lehen zinkaldia

 Inarrosi baininduen ene bihotzean.

 10-

 Biziaren etorkian

 Orai eskutan daukatan

 Ixtant hunen laburrean

 Munduaren zabalean

 Noa kantuz eta dantzan

 Primadera bihotzean!

 Eskual-Herri guziko anaiak

 Bizia maite balin baduzue...

 Denak elgarri estekan

 Ager gaiten kantuz, dantzan

 Giza-semeen artean

 Gogoa su pindarretan

 Irria ezpain xokoan

 Primadera bihotzean!