Urrundik
Ametzaga, Bingen
Zorionekoa, bai, kanpoan ibillita,
gizon eta lur asko ezagun ezkero,
errira itzultzen dana, zentzun onez yantzita,
beretarren artean bizia amaitzeko!
Ene, noiz ikusiko ditut nik ene erriko
sukalde zarren kea, portua ta ondartza,
yaio nintzan etxea -nire atzerrialdiko
galtze ezin-osatua- zegoen lekua?
Naiago dut txikitan ibiltako bazterra,
Europa'ko iriburu nagusiak baiño:
Sena baiño atseinago nire Gobela alperra;
eta Ameriketako zoragarri oro
nire barne-begian ezertan ez ditut,
zu, Algorta goxo ori, gomuta ba'zaitut.