Charmagarria
Gauaz eder da argizagia
Egunez ere bai ekhia;
Hayen pare da ene Maitia
Hain beita hura xarmagarria.
Xarmagarria lo ziradia
Eztitasunez betia?
Lo bazirade iratzar zite;
Etziradia loz ase?
Igaran gauan ametsetarik
Botz bat entzun dut xarmantik;
Eztitasunez betia baitzen
Haren parerik han etzen.
Amodiua gauza erhoua
Presuna gal dirodena;
Gauak lo gabe, egunak ere
Errepausurik gabe.
Zureganikan separatzia
Iduritzen zait hiltzia;
In dazu pot bat ene maitia
Benturaz dateke azkena.
Ekhia
Egunaz ekhia eta gauaz argizagi
Hayek argitzen dute mundu guziari;
Gaitzikan baduzula niri etzait iduri
Itxuran ez baiduzu faltarik ageri.
Arropa tristeak eta zihau alegera,
Niri pena emaiteko jin zira mundura;
Halere nahi zintuket ikusi ardura
Izanen badut ere betikotz malurra.
Urįo erraturik dena beti da dolugarri,
Laguna galduz-geroztik nuat joan eztakit;
Ene izatia hartarat erori
Mundu huntan ezpeitut bat konsolagarri.
Zanguak banitu nik hegalen pareko
Desir dudanian zure ganat jiteko,
Kaloja bat egin nio iluntzen deneko
Zuk baizik jakin gage biak egoiteko.
Barbera'ren koblak
Kantore berri xarmant batzu orai asten niz kantatzen,
Inorant denik balin-bada, guziek entzun ditzaten:
"Izar eder bat, ba-dakizue, jinik ba-dela "LUZAIDE'N",
Eztitasunez betia da eta guziak ditu xarmatzen;
Orai gaxua asia da tristatzen.
Yinko Yaunaren Probidentzia ez dea bada haundia?
Irauzketa'ko plaza hortan holako argi noblia!.
Argi eder horrek merezi luke ederki ohoratzia:
Oferendatzat emakozue mirra edo izensia,
Ahal duenak urria.
Barber gazte bat jiten omen da Espaņia'ko aldetik
Arti zarra horren konsolatzera erremedioz beterik.
Barber gazte horrek egin ote du oin mirakulu haundirik?
Erremediok artu tu, bainan deus ez omen du oberik:
Gaixua utzi du tristerik.
Konseiluņo bat ba-nuke orai emaiteko zuri
Baldin barber gazte horrenganik ez ba-zira heri:
Nahi baldin ba-duzu konserbatu zure argi eder hori,
Gezurņo zenbait erran behauzu adoratzaille orori
Eta ez fida nehori.
Amodiotan den persona ez da beti alegera;
Plazer bezanbat pasatzen dizi penetan denbora.
Ni ere alaxe niabilazu galdurik odola,
Mundu hontako plazer guziek ez bai-nirote konsola:
Hilik ere ez dut axola.
Erri maitiak igorri
Eni Maitiak igorri
Txoriņo batekilan goraintzi;
Gorputzez urru izana gatik
Biotzez dela beti enekin,
Ikusterat jinen dela laburzki,
Bizi nadin alegeraki.
Ez da zeruan izarrik
Nik maite dutana'in parerik;
Lurrian sortua izana gatik
Argitzen du ororen gainetik,
Hain polita izaitearekin
Ez estona maite ba-dut nik!
Orai banoa erritik,
Ardura dut nigarra begitik;
Maitetto bat maitatu dut gogotik,
Biotzaren erdi erditik;
Kitatu ere behar beitut laburzki
Ai!, nola biziko niz ni?
