Pestaburu berri

Etxaniz, Nemesi

 Neguaren biotzean,

 Leitza, erri politean,

 Pestaburua "Orixe"-k

 sortu digu, uste gabean;

 pozik etorri gera.

 gurpillen gañean.

 Uitzi'n ez geran arren,

 jakin nai degu aurrenen,

 Garazi eta Mikel'ek

 zer bizitza daramaten;

 seme-alabarikan

 izan ote-duten.

 Zubieta'ko Pontxo'ri,

 ta Salditze'ko Beltxa'ri,

 Ezkurra'ko Makil eta

 Zaldibi'ko Okerra'ri,

 gure gorantzi miñak

 ba-lira nabari.

 Artzai eta ikazkiñak,

 basoan lagun egiñak,

 onuzkero sutondoan

 daude sendatzen sumiñak;

 laister zerria ilko du

 Potxolo arakiñak.

 Olentzaro, begi-gorri,

 garai ontako elorri,

 bidean dugu eskean,

 sabelean dula zorri;

 nolabait bete bear

 urdalla alper orri.

 "Orixe", adiskidea,

 ar zazu gorazarrea;

 onera gaur etorriak

 ba-zuten zure entzutea;

 zabalik duzu gaurtik

 Euskaltzain-atea.