On Pedro Nobia Salzedo-kuaren jayotzako eunkidan

Aranguren, Jose Franko

 Euskal-erriyan On Pedro jauna

 Ispillu ederra zauzkagu

 Nun dan garbiro ikusten nola

 Lur maitati au maitatu;

 Zure bizitzak azaldurikan

 Zenbat bear degun nekatu

 Amacho onen negar zotiñak

 Nai baditugu gozatu.

 Atsegiñezko egun ederrak

 Gure euskera amari

 Zuk ziñiozkan dudarik gabe

 Eman bizitzan ugari;

 Alainzo eta indar guztiyak

 Eskeñirikan berari,

 Penen artetik atera zediñ

 Betiko garaimengarri.

 Chit umetatik sendoturikan

 Erlijiyoko eskolan,

 Fede biziya beraren alde

 Ere agertu zenduban.

 Au aurrena ta ama euskera

 Urrena zure buruban,

 Sarturik oek egon ziraden

 Ongi gordeak barruban.

 Eleizak eta ama euskerak

 Zugan biyotza sutuba,

 Arkitu zuten On Pedro jauna,

 Eta biziro prestuba;

 Bada zure gaiñ artu zenduen

 Arbola oen kontuba,

 Euren legeak eman zezaten

 Lengo oñean frutuba.

 Oen etsaiak garaitutzeko

 Chit ernai eta zorrotza,

 Gau eta egun izan zenduen

 Beti iduki biyotza;

 Neke pena ta atsekabiai

 Emanik betiko lotsa,

 Aurkezturikan bildurrik gabe

 Naiz ta gelditu ill-otza.

 Euskal-erriyak oroitutzian

 Zure laguntza aundiyak,

 Amoriyozko oju batekiñ

 Mugitzen gaitu guziyak;

 Gaurtikan beti eman deitzugun

 Zuri onra mereziyak,

 Gogoraturik zugandik berak

 Artu dituan graziyak.