Lekeitio'ko andra-aurreskua
Erkiaga, Eusebio
Urte asko eztala
neure erri maitian
Doniane yai batzuk
egiten zirian;
yai berezi bat beste
askoren artian
Andren aurreskua zan
eberdi-aurrian.
Danok meza nagosi
ostian plazara
-lagunez yuryiduta
batetik bestera-
oitura begikuan
pozik ikustera;
oba geure eguneton
ba'gendu aukera!
Gona baltzak yantzirik
ta gorantz gorriyak,
buruko zapiyetan
arro txori biyak;
sorbaldetatik txairo
loradun krespoiak,
Manila'n egiņiko
sedazko mantoiak.
Aurresku onen barri
Azkue'k ba-daki
soņua paperetan
ez al dauko euki?
Tanbolinteru zarrak
ezleuke azturik;
arako bertsotxua
gogora datorkit:
"Zeure bular arteko
kabeliņa alpakaua,
zeure begira dago
erriko eskribaua..."
Luisatxu Kaiganeko
gaur be gomutaua,
aurreskua eiteko
berez izentaua.
Neskatil zoragarri
gitxitxu lakuak
sokan oi ziran lora
udaberrikuak;
laguntzaz bai topau be
euren gustokuak
mutil kolore eder ta
bana-banakuak.
Bira eta artaziyak,
irradan puntuak,
aurrera-atzerakadak,
oin-muturrekuak...
Gero neska-mutillak
bizkor pandanguak,
arin-ariņak eta
biribillekuak.
Geure mastiyetako
txakolin gozua
edaritzat, kentzeko
egarri berua;
kai eta liorrian
poz erri osua,
kale zarrak betian
uyuyu zantzua...
|