Urtarrilla

Luis Arostegi

 Ia atertu dau.

 Illuntze otz onetan

 bakartade bide bustia.

 Neguaren poz eskutua!

 Azal latz illuna,

 barru neurritsuan baiña

 dana oindiño be zabalik,

 dana aske ta itxaropen.

 Une baten, batu dira

 nire leengo neguak,

 eta gure aurrekoenak,

 berba ta irudi barik

 ixil utsean.

 Asikera barria (une baten).

 Urteak egingo dau gero

 bere betiko bira,

 eta guk negu biotzean

 barriro asmauko dogu

 urte-birak lortzen ez dauan

 itxaropen izenbakoa.