Lisboa-tar Luis Kamoens-eresilari aundiari
Arana, Jose Ignacio
1
Zertako dabill odei beltz ori
Goibeldu-nairik mundua!
Ederragua agertu dedin
Eguzki eder sutuai
Onela askotan zabaltzen dula
Gaistoen asmo galdua,
Da jakintsuen mereziera
Geyago distiatua:
Ala zurea, Luis Kamoens,
Dago galay ta goitua.
2
Zoaz, bai, zoaz, Africa-z-arunz
Indi-berriak-barruna.
Armetan-irme, letra jakintzan
Parerik guchi dezuna:
Kanta ezazu neurtitz aundian
Zere erritarren jarduna,
Milla-perillen-artean nola
Zebillen Gama-zalduna;
Eun errezuma menderaturik
Portugalenzat kutuna.
3
Kanta Jabier Euskaldunak an
Bildu zituen frutuak:
Ichas gogorren ekaitz-artetik
Atera-ituzu kantuak,
Zeren soņudi paregabeaz
Alegraturik munduak;
Turmoi-alperrak dituzu-kontra
Barreto-ren itz-arruak;
Makao-n pozik aitzen dirade
Zure liraren soņuak.
4
ERziņak ala eragin zien
Ezpatari ta lumari,
Arauko-en gudu bortitzak
Agerturikan kantari:
Asar Cesar-ek oņ-eman zion
Obidio-ren neurtzari.
Dante ta Mena ta Luis Leon
Or dauzkatzu zuk gidari,
Presondegita jazarrietan.
Begiratzeko berari.
5
Aztindu zuten zure eskribua
Gaistakerien erdoya;
Alkarren-leyan ara zugana
Aundizkiya ta morroya,
Lisboa ederra kantatzen ai da
Zure onore chit goiya
Esanik agitz, eldu zayola
Zu koroitzeko sasoya:
Zerubak ere ala deizula
Beti betiko koroiya.