Tresna margozlari

Ilintxozabal

 Aizkorak, margoz, gorritzen

 ari aizen andere:

 Zergatik ez ditun margozten,

 ezpaintxoak ere?

 Askotan ikusi aunat, bada,

 ene...! margozlari,

 muturtxo samur ori diñala,

 aizkora bezin gorri!

 Gaur askoz panpiñago, alegia,

 orrela ikusita.

 Bendu bait-den margo estalkia,

 Zuriñe polita!

 Zenbat aldiz egondua naizen

 oldozten naigabez,

 zuek ere biurtuko ote zeraten

 «Azal-gorriak» lez!

 Naiago nukenan, gaurko eredura

 jarraituko ba'uken.

 Sortzez den naikoa eder-lillura,

 ibiltzeko azal garden!