|
Amaren itz goxoak
Andonegi'tar Ziriako
Ai, nere biotzeko
poxpolin kutuna!
auzotegi guziak
berdiņik ez duna.
Auxe aurtxo ederra
etxean deguna,
amaren biotzeko
poz eta zoruna!
Poxpolin zoragarri,
norena zera zu?
Irri-par goxo oiek
norentzat dauzkazu?
Ezpan pollit oiekin pa!...
bat eman nazu...
Munka jango zinduzket,
siņistu nazazu.
Aurtxo ederrik aske
ludian ba'dira,
baiņon orlakorikan
oso gutxi dira.
Ai, nere maitetxoa!
Ai, nere dizdira!
Atoz, ene semetxo!
amatxon titira.
Orain, ene kutuntxo
titia arturik.
ea egiten dezun
kumatxoan lorik.
Lo... lo...., ene laztantxo!
Egon, ba, geldirik?
Bestela ez didazu
emango pakerik.
|
