Berbia

T. Etxeberria

                                       «Pentsamenak, izketiari zor detzaguzela,

                                                   berbekin pentsatzen dalako».

                                       (Unamuno'gandik, San martin'ek aipatua)

 Batzuek diñue berbia,

 Jaungoikuak gizonari

 emon zeitsan gauzia dala

 biotza argiratzeko alkarri.

   Beste batzuek diñuen letz,

 pentsatzen dan barrukua,

 jantzirik apain guzurrez,

 ...izurratzeko auzoa.

   Nundik, bada iñoiz entzutzen,

 gogoari letxe arpegia,

 berbia dala, ain zuzen,

 pentsamenan iduria.

   Baita sarri besterakua:

 Pentsatzen dana estaltzeko

 berbia dala asmautakua,

 ta irutxur (1) obeto eitteko.

   Ortik, au iñoizko tema:

 Pentsamentua ala Berbia,

 zer bietatik gorena,

 ta ez ete onen gain, Eittia (2).

   San Juan'ek diñuanera,

 «Asieran zan Berbia» (3),

 eta Au eldu ei zan Eittera (4),

 Zeru ta Lur dan guztia.

 (1) Maltzurkeriz uts egitea. Eibar'en erabiltzen da.

 (2) Arek gauza biurtzea.

 (3) In principio erat Verbum. Joan, 1, 1.

 (4) Omnia per ipsum (Verbum) facta sunt. Ibid., 1, 3.

                                                               Londres'en, 1959