Mingots

Aurraitz

                                   (Aingeru neure anai kutunari, biotz-biotzez)

 Urrun nago. Urrun eta bakar.

 Zakurra alboan yabole azkar.

 Ixila zelaietaz deadar...

 Oldozkunak asauetan azke,

 zabaldiak igaroz, poz-eske

 Atzerri-bizikera, bai, neke!

 Piztien bizileku itzalean

 goian zerua, ta lurra beean...

 Yainko'k bakarrik nakus, maurtuan.

 Baso, erreka, zelai... oro itzal.

 Gizabidearen gaiak mengal...

 Auxe bakartada itun ta yaukal!

 Izadi oso-osoak dagist itz,

 gogotar mintzoaz, olerki-giltz.

 Onen mingots ez dut izan bizitz.

 Tamal samurren barne ezkutuan

 maiteenen oroia arantza bakan.

 Min au luzaro ezingo yasan.