inprimatu
Ametsa!!!???
Izenburua:
Ametsa!!!???
Sinadura:
Xanti Zabala Lexo
Urkizaren iruzkina:
Egilea(k):
Zabala, Xanti

Argitalpena:
Plazara.
Urtea:
1985
Argitalpenaren urtea:
Alea:
3.zk.
Orrialdea:
30

 

Ametsa!!!???

 

Xanti Zabala "Lexo"

 

                         Doinua: Mendian goitik behera...

                         Neurria: Zortziko txikia

 

                       1

 Gabon Eguberriak ditugu gainean,

 halako azkurerik nork ez du soinean.

 Odolak bero bero dauzkagu zainean,

 nahiz ta santutzen garen neguan muinean.

 

                       2

 Urteroko borrokak gogora ekarri,

 hitz goxoetan sano ekintzaz elbarri.

 Gezurra lasai eta egia hain larri...

 Esku ezin emanez gabiltza elkarri.

 

                       3

 Amets egingo dugu aurten gabonetan,

 nahiz gerora gelditu betiko penetan.

 Ongi bizi garela Bidaso honetan,

 poztuko nintzateke balitza benetan.

 

                       4

 Bidaso ingurua jartzen da alaia,

 heldutzen zaionean Gabonen garaia.

 Denek hartzen diote ikazkin usaia,

 menditik behera dator gure personaia.

 

                       5

 Igerri diozute noski onezkero,

 nor etorritzen zaigun urtero urtero.

 Bidasoak pozikan hartzen du bezero,

 ongi etorri bedi gure Olentzero.

 

                       6

 Etxeetan sartzeko ez du nahi aterik,

 arrotz nola ez zaion horri su ta kerik.

 Tximenitik sartzen da sobra du besterik,

 pardela dakarrela pitxiez beterik

 

                       7

 Zer pitxi dakarzkien esango dut laster,

 zuzendu inguruan dauden hainbat oker.

 Lan gabezia borra bazterrikan bazter,

 biziera tristeaz ez gaitezen asper.

 

                       8

 Bihotz gogor guziak erabat beratu,

 goi haundi nahi guziak daitezen beheratu.

 Berdintasun neurria munduan eratu,

 goserikan ez dadin gehiago edatu.

 

                       9

 Gorrotoa uxatu xuabe xuabe,

 bera nagusi dela bai gabiltza grabe.

 Mundua pakeratu gerrarikan gabe,

 har-eman guzietan maitasuna jabe.

 

                       10

 Maitasun juztizia berdintasun pake,

 alperrik ez ditugu pasa hainbat neke.

 Orain lortuko dugu genbiltzana eske,

 mundu aske batean Euskadire aske.

 

                       11

 Irunerako pitxi berezia dakar,

 zinta ken eta ikus behar dugu azkar.

 Euskara ikasitzen hamarretik hamar,

 nola euskal herrian gauden azken xamar.

 

                       12

 Preso ta desterratu guziak etxera,

 fameliko beroa pozik gozatzera.

 Zori ona ekarriz Bidaso ertzera,

 agian ametsaren amaia hortxe da.

 

 


inprimatu