Ilhargi churitarat

Etienne Salaberry

 Ilhargia zeruan, dagolarik churi,

 Ezartzen dituela, mendiak ageri,

 Etche aitzinak dir-dir, zilharrez iduri,

 Agur dio gogoak, Eskual-Herriari.

 Bidechketan gazteak, han numbeit airoski,

 Zimpi-zampa doatzi, usatuak aski

 Izarrak ez direla, eroriren naski,

 Diotelarik irriz, edan-eta brauki.

 Haizeak gehiago, arrabots egiten,

 Gathuak ez obeki, itzala zilhatzen,

 Izerdi churrupitan, muthikoak joaiten,

 Eta mugaz berzalde, gau erdiko helzen.

 Holakoa dukete, odolaren botza,

 Lakhet-gocho zaiote, gautiar hats hotza

 Bere-ber ibilzeak, ichilik motz-motza,

 Pizturik ezartzen du, Eskualdun bihotza.

 Lore histu ideki, oi zu ilhargia,

 Egon zite zabalik, hain zira eztia,

 Ichur beldurrarentzat, behar den hisia,

 Maitha dezagun bethi, libro den bizia.