Veinte poemas de amor
Pablo Neruda
nš 15
Ixiltzen zirelarik maite zaitut urrun bazine bezala zirelakotz,
urrundik entzuten nauzu eta ez zaitu hunkitzen ene bozak.
Badirudi hegaldatu zirela zure begiak
badirudi zure ahoa hetsi zuela musu batek.
Ene arimaz beterik baitira gauza guziak
gauzetarik jalgitzen zira, ene arimaz beterik.
Ametsezko tximeleta, ene arimaren egite duzu,
eta malenkonia hitzari eite duzu.
Ixiltzen zirelarik maite zaitut, urrun bazine bezala zira,
Badirudi intzirika ari zirela, kurrukatzen ari den tximeleta.
Urrundik entzuten nauzu eta ez zaitu kausitzen ene bozak:
zure ixiltasunarekin ixiltzen utz nezazu.
Zure ixiltasunarekin ere bai zuri mintzatzen utz nezazu
kriseilua bezain argia, eraztuna bezain bakuna.
Gaua bezalakoa zira, ixila eta izarreztatua.
Izarrezkoa da zure ixiltasuna, hain urrun eta bakuna.
Ixiltzen zirelarik maite zaitut urrun bazine bezala zirelakotz
urrun eta dohakabea, hila bazine bezala.
Eta enetzat aski dira hitz bat irriņo bat.
Eta pozten naiz ez delakotz segur.
Etsipenezko kanta
Gau huntan bertsu ilunenak idatz ditzazket.
Idatz dezaket, adibidez: "Gaua izartsua da,
eta argizagiak urdinak dildiratzen dira urrunean."
Gaueko haizea itzulikatzen da zeruan eta kantuz ari da.
Gau huntan bertsu ilunenak idatz ditzazket.
Maitatu dut eta noiztenka maitatu nau ere bai.
Holako gauetan ene besoetan atxiki dut.
Hoinbeste besarkatu dut mugagabeko zeru pean.
Maitatu nau, noiztenka maitatzen nuen nik ere bai.
Nola ez nitzazke maitatu haren begi haundi eta geldiak
Gau huntan bertsu ilunenak idatz ditzazket.
Ez dela enea pentsatzea. Galdu dudala senditzea.
Neurrigabe gaua entzutea, hura gabe are haundiagoa.
Arima barnerat isurtzen da bertsua ihintza pentzerat
isurtzen den bezala.
Berdin du ene amodioak ezin duela atxiki.
Gaua izartsua da eta enekin ez dago.
Ez da besterik Norbait kantuz ari da urrunean. Urrunean.
Ene arima ez da kontsolatzen horren galtzeaz
Hari hurbildu nahi balu bezala ene soak bilatzen du.
Ene bihotzak bilatzen du baina enekin ez dago.
Ber zuhaitzak xuritzen dituen gau berak.
Gu, garai hartako horiek ez gira gehiago berak
Ez dut gehiago maite, segur da, baina hainbeste
maitatu dut.
Haizea bilatzen zuen ene bozak haren beharria hunkitzeko.
Beste norbaitena. Beste norbaitena litake. Ene musuena
zen bezala lehen.
Haren boza, haren gorputz argia. Haren begi mugagabeak
Ez dut gehiago maite, segur da, baina behar bada maite dut
Hain laburra den maitasuna eta hain luzea den ahanztea.
Holako gau batzutan ene besoetan atxiki dudalakotz,
erre arima ez da kontsolatzen horren galtzeaz
Jasanarazten dautan azken mina balin bada ere,
idazten dizkiodan azken bertsuak baldin badira ere.