Mu

Aurelia Arkotxa

 (Adixkide bati)

 Haurrak egin du borobil haundi bat

 Borobil-borobila

 Pintzel urdin ukaldi haundi batez

 Azpian marra bat beltza

 Itsasoa goizean

 Haurrak tindatu du borobil haundi hura

 Borobil-borobil hura

 Gorriz

 Azpian marra beltza

 Itsasoa arratsean

 Haurra so

 Borobil gorri haundiari

 Borobil-borobil hari so

 Dago

 Azpian marra

 Beltza

 Ezta iduzkia ama

 Ez eta itsasoa

 Deus ezta ama

 Deus

 Ederra da he ama?