Zure usaina
Arantxa Hirigoien
Zure gorputzak daraman usaina
Nere buruan dutan orroitzapena
Gure bihotzeko zoriona eta mina,
Bien arteko maitasunaren itxaropena
Begiak hesten ditudalarik, nere ondoan zara,
Hunkitzen zaitut baina zuk, ez nauzu senditzen
Iratzartzean malkoa heldu zait begira
Non gordeta zara? Ez zaitut aurkitzen.
Bainan airean hedatua den zure lurrina
Hau usain atsegin eta freskoa!
Segitzen dut bainan ez da bide ona.
Goxotasun hau, amets egitekoa.
Gure artean daude ibai eta mendiak
Han zaude urrun, nire gandik bereiztua.
Desegin ditzagun isiltasuna eta mugak.
Harrapa ezazu luzatua dizudan eskua.
Zure gorputzak daraman usain
atsegin eta freskoa...
amets egitekoa.