Lorea
Arantxa Hirigoien
Belar gainean lore bat dago
Hiru kolorekoa:
Ubela, arrosa eta berdea
Inoiz baino politagoa
Bakarrik zegoen, triste eta ilun,
Bihotzean min ote du?
Haur bat hurbildu zaio eskua zabalik.
Lorea hartu eta errotik kendu du.
Lorea nigarrez hasi da, minez.
Haurrak pozik, lorea eskuan, amari eskaini dio.
Amak untzi gorri bat hartu du eta urez bete.
Lore gaixoa, hilik untzian sartu du.
Orain lorea sukaldeko leiho azpian da.
Belar gainean beste lore bat sortu da.
Negu beltz eta hotza etorri da.
Leiho azpian lorea erdi eroria
Kanpoan aldiz, lore sortu berriak neguari irauten
dio.
Euri, haize edo elur, kanpoan lorea beti xutik
eta leiho azpian lorea beti hilik
Bainan egun beltz eta hotz batean,
belar gaineko lorea hotzturik erori eta hil da.
Leiho azpiko lorea ere eihartu da.
Eta mutikoaren amak bota du.
Geroztik belar gainean ez da lorerik sortu.
Ez eta leiho azpian izan.