Ezkurra
Ellande Arandia
Ezkurra landatuta
erroa da sortzen
Errotik ikusten da
arbola ateratzen
arbolatik zaigula.
Hostoa agertzen,
hostoetarik dira
ezkurrak handitzen
eguzki eta euriarekin indartzen
biak betan, bai, bainan, alabainan, bepetan.
Eguzkia ilundu da
euria xukatu da.
Gizonaren zangoa
hemen delarik zapaltzen
armaturik zangoa
ezkurraren ustel arazten
baita bere burua bera
nahigabean pixkanaka hausten
bai, bat eta, azkenean, zero. Hutsa.
|