Sekretua

Gilles Baudry

 I.

 Denbora beha dago

 ezer ez da mintzo

 mugitzen ez den deus nitan

 baina dena zain

 elkar maite duten

 hitzen bila nabil

 belarria iturrietan

 idazten dut sekretu bat jabaltzeko

 gauza oro maitatzeko

 eta aintzinetik

 hobeki oroitzeko.

 II.

 Zein garren errauts

 zein uztaren hazi?

 Jakiteak

 laztantzeak

 desjabetzen gaitu,

 eta deus ez da sekulan erraten

 ez gizakiaz

 ez eta bere ele erreaz.

 Sekretua baizik ez da suteaz bizigainditzen.