Udazkeneko larunbat goiza

Marisa Gutierrez

 Sagar bustiak,

 gobernuko bozeremaileak bitartean diolarik

 Estadoak asesinatzen dituen gorputzen

 jabea dela

 eta gogoratzen dut atzo azkarki nahi nuen lan batek

 matelak xifritzen zizkidala,

 diafragmoa lekuz alda arazten,

 beso eta zangoko muskuloak gogortzen.

 Euriak aireari freskura eta perfumea eskaintzen dio

 libertate kondizlonalezko egun honetan

 non zilegi baitira marteilua eta ingudioa,

 musika eta partizio taula,

 azidoa eta papela oihalaren ordez.

 Eta itsutuki josirik segitzen dutela

 han aurrean,

 heriotzaren aduanarako balio duten balkoiak.

 Eta nolako inoren lur izatearen

 su gelditzearen sendimena ematen duen

 alkol eta urezko kortina honek.