Harri oihua

Xiao Fan

 Harri oihua

 harri oihan ixil

 ixiltasun oihan...

 forma arrotz bakoitzak

 arima bat gordetzen du

 zeruari begira

 edo behakor

 pentsakor

 edo ametsetan galdua...

 harri multzo

 zenbat iraultzek

 zaituztete lasaitasun hortan sartu.

 harri oihan

 denboraren gautik honat

 hainbat gertakari ezagutu dituzu

 zenbat kalamitate ez ote duzu jasan

 lurraren larru mugimendu

 itsaso hondo altxatze

 aireko harri erortze, lur jauste

 kuskatze

 tinkatze

 apurtze

 goititze...

 banaka zauri itsusiz josiak diren

 harri horiek lur ezkin hau hautatu dute

 hemen

 bake laburraz gozatzeko.

 harri oihan ixil

 ixiltasun oihan...

 borroka ilunek markatu zure gorputza

 orain argi eta libre dago:

 esku traketsetan ezarri

 tortura tresna zorrotza zinen,

 hona lur azalean altxatua zarela.

 ibiltarien amets lasaiak edertzen dituzu

 pausatzen denari gorputza sustengatzen diozu,

 argazki baten atzekaldea zara;

 lur zoragarri hau maita arazten diguzu

 bizitza koloratu hau maita arazten diguzu...

 ezer ez bazenu idurikatzen bezala

 oh harri oihan ixil

 ixiltasun oihan...

 harrizko itsaso handian sartzen naiz

 ixilik harri oihanean zutitzen naiz

 harri nadila, harrietan harri

 oh

 harri oihan ixil

 ixiltasun oihan...