Zuk ere asko desio zenuen, baina bortxaz...

Holderlin

 Zuk ere asko desio zenuen, baina bortxaz

 maitasunaz guztiak plegatzen gaitu,

 plegatzen gaitu minik azkarrenak.

 Gure arkak ez dira, alta debaldetan

 beren lehengo lekura itzultzen.

 Habil beraz goiti edo beheiti! geroko egunak

 natura mutuak erabakitzen dituen gau sakraturaino.

 Ez ote da Orkusaren konkorrenean ere

 zuzen bat, nagusi den lege bat?

 Esperintziz badakit. Sekulan, zeruko jainkoek,

 ez naute, o munduaren zaintzaleak, gidatu,

 iduritzen zait, maixu hilkorrak bezala

 zuhurtziaren xendra batuetarik.

 Gizonak, diote jainkoek, gauzak oro saia ditzala,

 haietaz hazirik guztiei eskerrak bihurturik

 bere askatasuna uler dezan, hemen hautsi

 eta nahi duenera jo!