Azken fotogramak

(zatia)

Josu Goikoetxea

       Behelaino artifiziala

 kartoizko karriketan.

 Hiria lotan da

 eta heroiak zera diotso

 neska bular politari:

       «Deboirmetequieroadiós»

 Baina zuk ez,

 zu Englanden egon zinen

 eta haren ezpain lodietan

 besterik irakur dezakezu.

       «ImustgoIloveyoubye»

 dio mutu ezpain lodiak.

     (noski, inoiz ez:

       «Joaneinbeharnaunmaitehautagur»)

 Badoa heroia, badoa-doa,

 hiri margoztuak irensten du.

 Ezker eskuaz kolpe bat;

 egokitu du txapela

 eta neska bular polita,

 bere bizitza krudela

 gorrotatzeko indarge,

 negarrez ari da.

 Gidoiak hala dioelako, bestalde.