Zai izango naiz

Mongane Wally Serote

euskaratzailea: Xabier Montoia

 Maiz-sarritan,

 Gosea hondarra ere mingainean bezala,

 Dastatu dut,

 Eta malkoek garren antzera

 nere betazalak milikatu dituzte,

 Ikusi nahi dudana,

 Jakin nahi dudana, lausotuz.

 Bainan oh!, askotan, tatian-potian, izan naizen leku guztietan

 Poza, bideak bezain erreala,

 neregan hedatu izan da paisaia atsegin bat bezala,

 ene haragipean ari da ibaien zilar distiratsuaren moduan;

 Eta orain badakit:

 hain blai eta lehor izan ondoren,

 zai nago.