¡Zeñen pollita den Berá!
Larramendi'tar Iñaki
Bera-ko erriya pollita dela
Eztut guttitan erratten,
Zembat ta geigo ikusten duten
Pollitago zait egitten.
Emen yayua banazu ere
Eztut orretaz lauadatzen,
Erramen dizut, Apez arrotz bat
Zértaraño zaletu zen.
Ikast-itxe bat egokitu zen
Mutikuat ikasteko,
Lau apez arrotz etorri ziren
Oikiri erakusteko.
Lauetatik bat autatua zen
Denan burua izatteko,
Etzuten noski eben artian
Xoxuena berexiko.
Apez arrotzak sayatzen ziren
Zakittena erakusten,
Mutillak berriz, buruz argiyak,
Ederki ikasten zuten.
Apez arrotzak au ikusirik
Lore artian zagozten,
Erri pollita, mutiko onak
¿Zér geyago naiko zuten?
Erakusketa egin-orduan
Kuaten ziren menditara,
Gorputzetako asnas-tokiyak
Aize garbiz betetzera.
Ykusirikan baserri onak
Bazter ederraz gañera,
Alaitasuna gañez egiñik
Ytzultzen ziren itxera.
Ludi onetan goxotasunak
Eztute aunitz irauten,
Apez ok ere, eben aldiyan,
Nai-gabia izan zuten.
Goiko buruak biyalitako
Eskut-itz bat etorri zen,
Buru-zagiya Amerikara
Yuateko agindu zioten.
Samintasunaz betía yuan zen
Bere gogoko erritik,
An egondu zen urte mordoxkan
Errana betetzegatik.
Itxe ona zen, egiñ-berriya,
Gauza ausarki denatik,
Biño Berako zaletasuna
Eziñ kendu biyotzetik.
Ango dembora bete zenian
Mintzatu zen nagusiya.
"Lana azkarki eginduzu-ta
Orain biar duzu sariya
Kontuarekin autatu-zazu
Zure gogoko erriya
Goxo-goxo-ki erametteko
Ondako bizi guziya".
"Dudarik gabe erranen dizut
Biyotz-barrengo izkeran,
Nik nai bezela paratu nazu
Ongi izatteko eran.
Ni bizitzeko eman nazkitzu
Aimbzertze erri aukeran,
Eztá neretzat toki oberik
Ni utzi nazazu Berán".
Aukeratzian atzi zittuen
Aimbertze erri egoki,
Ez naiz arritzen gauza unekin
Emengo berri bai-taki,
Ongi zekiyen izanen zela
Bertzetan biño obeki,
Zér den Berako goxotasuna
Emen bizi denak daki.
Etorri zattez egun batian
Xoko on au ikustera,
Ibilli-aldi bat bat egiñen dugu
Erriyan lau aldetera,
Begi zabalaz begitu ongi
Alde bat eta bertzera,
Arritturikan erranen duzu
¡Zéñen pollita den Berá!
